Event Date: 7th Oct, 2017

ﺍﻓﺴﺎﻧﮧ ﻧﮕﺎﺭﯼ ﺍﻭﺭ ﺍﺳﮑﯽ ﺗﮑﻨﯿﮏ”  ﮐﮯ ﺣﻮﺍﻟﮯ ﺳﮯ ﺗﺮﺑﯿﺘﯽ ﻭﺭﮐﺸﺎﭖ ﮐﯽ ﺭﻭﺩﺍﺩ”
07 ﺍﮐﺘﻮﺑﺮ 2017 ﺑﺮﻭﺯ ﮨﻔﺘﮧ ﺑﺎﺭﮦ ﺑﺞ ﮐﺮ ﭘﻨﺪﺭﮦ ﻣﻨﭧ ﭘﺮ ” ﯾﻨﮓ ﻭﯾﻤﻦ ﺭﺍﺋﭩﺮﺯ ﻓﻮﺭﻡ ، ﺍﺳﻼﻡ ﺁﺑﺎﺩ ﭼﯿﭙﭩﺮ ” ﮐﯽ ﺟﺎﻧﺐ ﺳﮯ ﺍﮐﺎﺩﻣﯽ ﺍﺩﺑﯿﺎﺕ ﺍﺳﻼﻡ ﺁﺑﺎﺩ ﮐﮯ ﺭﺍﺋﭩﺮﺯ ﺭﻭﻡ ﻣﯿﮟ ” ﺍﻓﺴﺎﻧﮧ ﻧﮕﺎﺭﯼ ﺍﻭﺭ ﺍﺳﮑﯽ ﺗﮑﻨﯿﮏ ” ﮐﮯ ﺣﻮﺍﻟﮯ ﺳﮯ ﺍﯾﮏ ﺗﺮﺑﯿﺘﯽ ﻭﺭﮐﺸﺎﭖ ﮐﺎ ﺍﻧﻌﻘﺎﺩ ﮐﯿﺎ ﮔﯿﺎ ۔
ﻭﺭﮐﺸﺎﭖ ﮐﺎ ﺑﺎﻗﺎﻋﺪﮦ ﺁﻏﺎﺯ ﺗﻼﻭﺕِ ﻗﺮﺁﻥ ﭘﺎﮎ ﺳﮯ ﮨﻮﺍ ۔ ﺗﻼﻭﺕِ ﮐﻼﻡِ ﭘﺎﮎ ﮐﯽ ﺳﻌﺎﺩﺕ ﻋﺮﻭﺝ ﺍﺣﻤﺪ ﻧﮯ ﺣﺎﺻﻞ ﮐﯽ ۔ ﯾﻨﮓ ﻭﯾﻤﻦ ﺭﺍﺋﭩﺮﺯ ﻓﻮﺭﻡ ﺍﺳﻼﻡ ﺁﺑﺎﺩ ﭼﯿﭙﭩﺮ ﮐﯽ ﻧﺎﺋﺐ ﺻﺪﺭ ﺍﺳﻤﺎﺀ ﺷﺎﮦ ﻧﮯ ﭘﺮﻭﮔﺮﺍﻡ ﮐﮯ ﻣﮩﻤﺎﻥ ﺧﺼﻮﺻﯽ ، ﻣﻌﺮﻭﻑ ﻭ ﻣﻘﺒﻮﻝ ﺍﻓﺴﺎﻧﮧ ﻧﮕﺎﺭ ﺟﻨﺎﺏ ﺣﻤﯿﺪ ﺷﺎﮨﺪ ﺻﺎﺣﺐ ﮐﺎ ﺗﻔﺼﯿﻠﯽ ﺗﻌﺎﺭﻑ ﭘﯿﺶ ﮐﯿﺎ ﺍﻭﺭ ﺍﻧﮩﯿﮟ ﺳﭩﯿﺞ ﭘﺮ ﺁﻧﮯ ﮐﯽ ﺩﻋﻮﺕ ﺩﯼ ۔
ﻣﺤﺘﺮﻡ ﺣﻤﯿﺪ ﺷﺎﮨﺪ ﻧﮯ ﺍﻓﺴﺎﻧﮧ ﻟﮑﮭﻨﮯ ﮐﮯ ﮔُﺮ ﮨﺎﺋﮯ ﺧﺎﺹ ﮐﻮ ﻧﮩﺎﯾﺖ ﻣﻨﻈﻢ ﺍﻭﺭ ﺟﺎﻣﻊ ﺍﻧﺪﺍﺯ ﻣﯿﮟ ، ﺩﻟﭽﺴﭗ ﻟﮩﺠﮯ ﺍﻭﺭ ﻣﺜﺎﻟﻮﮞ ﺳﮯ ﺣﺎﺿﺮﯾﻦ ﮐﮯ ﺳﺎﻣﻨﮯ ﭘﯿﺶ ﮐﯿﺎ . ‘ ﺍﻓﺴﺎﻧﮧ ﮐﯿﺴﮯ ﻟﮑﮭﯿﮟ؟ ‘ ﮐﺎ ﺟﻮﺍﺏ ‘ ﺍﻓﺴﺎﻧﮯ ﮐﻮ ﺗﮑﻨﯿﮏ ﻧﮩﯿﮟ ،ﺗﺨﻠﯿﻖ ‘ ﮐﮩﮧ ﮐﺮ ﻭﺍﺿﺢ ﮐﯿﺎ . ﻋﻼﻭﮦ ﺍﺯﯾﮟ ﺍﻓﺴﺎﻧﮯ ﮐﮯ ﻟﻮﺍﺯﻣﺎﺕ ﮐﻮ ﺑﮭﯽ ﻧﮩﺎﯾﺖ ﻋﻤﺪﮔﯽ ﺳﮯ ﺑﯿﺎﻥ ﮐﯿﺎ ۔ ﮔﻮ ﮐﮧ ﻭﺭﮐﺸﺎﭖ ﮐﺎ ﺩﻭﺭﺍﻧﯿﮧ ﺍﯾﮏ ﮔﮭﻨﭩﮧ ﺗﮭﺎ ﻣﮕﺮ ﺣﻤﯿﺪ ﺷﺎﮨﺪ ﺻﺎﺣﺐ ﮐﮯ ﻋﻠﻢ ﮐﮯ ﭼﺸﻤﮯ ﺳﮯ ﺳﯿﺮﺍﺏ ﮨﻮﺗﮯ ﻧﺌﮯ ﻟﮑﮭﺎﺭﯼ ﺍﻧﮑﮯ ﺩﮬﯿﻤﮯ ﻟﮩﺠﮯ ﺍﻭﺭ ﭘﺮﺍﺛﺮ ﺍﻧﺪﺍﺯ ﻣﯿﮟ ﺍﯾﺴﺎ ﮐﮭﻮﺋﮯ ﮐﮧ ﺩﻭ ﮔﮭﻨﭩﮯ ﮔﺰﺭﻧﮯ ﮐﺎ ﺑﮭﯽ ﭘﺘﺎ ﻧﮧ ﭼﻼ ۔
ﯾﻨﮓ ﻭﯾﻤﻦ ﺭﺍﺋﭩﺮﺯ ﻓﻮﺭﻡ ، ﺍﺳﻼﻡ ﺁﺑﺎﺩ ﭼﯿﭙﭩﺮ ﮐﯽ ﺷﺮﯾﮏ ﺑﺎﻧﯽ ﺍﻭﺭ ﺻﺪﺭ ﻣﺤﺘﺮﻣﮧ ﺭﺍﺑﻌﮧ ﺑﺼﺮﯼ ﻧﮯ ﺣﻤﯿﺪ ﺻﺎﺣﺐ ﺍﻭﺭ ﺣﺎﺿﺮﯾﻦِ ﻣﺤﻔِﻞ ﮐﯽ ﺗﺮﺑﯿﺘﯽ ﻧﺸﺴﺖ ﻣﯿﮟ ﺁﻣﺪ ﭘﺮ ﺗﺸﮑﺮ ﮐﺎ ﺍﻇﮩﺎﺭ ﮐﯿﺎ، ﺗﺮﺑﯿﺘﯽ ﻧﺸﺴﺖ ﻣﯿﮟ ﺍﺳﻼﻡ ﺁﺑﺎﺩ ﭼﯿﭙﭩﺮ ﮐﯽ ﺟﺎﻧﺐ ﺳﮯ ﺍﺳﻤﺎﺀ ﺷﺎﮦ ، ﻋﺮﻭﺝ ﺍﺣﻤﺪ ، ﺍُﻡِ ﮐﻠﺜﻮﻡ ، ﺳﻌﺪﯾﮧ ﻋﺜﻤﺎﻥ ، ﺍﺑﺼﺎﺭﻓﺎﻃﻤﮧ ، ﺷُﻐﻠﮧ ﺍﺳﻤﺎﻋﯿﻞ ، ﻧﻮﺷﯿﻦ ﻗﻤﺮ ، ﻃﺎﮨﺮﮦ ﻏﻔﻮﺭ ﺍﻭﺭ ﻧﯿﻞ ﺯﮨﺮﺍ ﮐﮯ ﻋﻼﻭﮦ ﺩﯾﮕﺮ ﻃﻠﺒﺎﺀ ﺍﻭﺭ ﺍﺩﺏ ﭘﺮﻭﺭﻭﮞ ﻧﮯ ﺑﮭﯽ ﺍﺳﺘﻔﺎﺩﮦ ﮐﯿﺎ ۔
ﻭﺭﮐﺸﺎﭖ ﮐﮯ ﺁﺧﺮ ﻣﯿﮟ ﺳﻮﺍﻻﺕ ﮐﺎ ﺳﯿﺸﻦ ﮨﻮﺍ ، ﺟﺲ ﮐﮯ ﺍﺧﺘﺘﺎﻡ ﭘﺮ ﯾﻨﮓ ﻭﯾﻤﻦ ﺭﺍﺋﭩﺮﺯ ﻓﻮﺭﻡ ، ﺍﺳﻼﻡ ﺁﺑﺎﺩ ﭼﯿﭙﭩﺮ ﮐﯽ ﺻﺪﺭ ﺭﺍﺑﻌﮧ ﺑﺼﺮﯼ ﻧﮯ ﻓﻮﺭﻡ ﮐﮯ ﺍﺳﻼﻡ ﺁﺑﺎﺩ ﭼﯿﭙﭩﺮ ﮐﯽ ﺟﺎﻧﺐ ﺳﮯ ﻣﮩﻤﺎﻥ ﺧﺼﻮﺻﯽ ﮐﻮ ﭘﮭﻮﻟﻮﮞ ﮐﺎ ﮔﻠﺪﺳﺘﮧ ﺍﻭﺭ ﺗﺤﺎﺋﻒ ﭘﯿﺶ ﮐﯿﮯ ۔ ﮔﺮﻭﭖ ﻓﻮﭨﻮ ﮐﮯ ﺑﻌﺪ ﻣﮩﻤﺎﻧﺎﻥِ ﮔﺮﺍﻣﯽ ﮐﯽ ﺭِﯾﻔﺮﯾﺸﻤﻨﭧ ﺳﮯ ﺗﻮﺍﺿﻊ ﮐﯽ ﮔﺌﯽ ۔
ﺭﭘﻮﺭﭦ : ﺳﻌﺪﯾﮧ ﻋﺜﻤﺎﻥ ، ﻧﯿﻞ ﺯﮨﺮﺍ
ﺗﺮﺗﯿﺐ ﻭ ﺗﺪﻭﯾﻦ : ﻋﺮﻭﺝ ﺍﺣﻤﺪ